Mat 26:20-25 | YomNWM | STEP | Mu thangu masika, Yesu wuvuanda va meza ayi kumi mimvuala miandi miodi.

Matthew 26:20-25

(Malako 14.17-21 ; Luka 22.14 ; Yowani 13.21-30)

20 Mu thangu masika, Yesu wuvuanda va meza ayi kumi mimvuala miandi miodi. 21 Mu thangu baba ndia, Yesu wuba kamba :

—Bukiedika ndikulukamba : buna luididi vava mutu wumosi mu beno maka phakusa !

22 Baboso beka mona kiadi, wumosi-wumosi weka kunyuvula :

—Pfumu, buna minu e ?

23 Yesu wuba vutudila :

—Mutu wowo wumbuika koko kuandi va kimosi ayi minu mu dilonga buna niandi wukuphakusa. 24 Bila Muana Mutu wulembo yendi banga busonimina mu Masonoko mu diambu diandi. Vayi nga mabienga kuidi mutu wowo wumvakusa ! Nganu bufueni kuidi mutu beni mu kambu kuandi butuka !

25 Yuda, mutu wowo wukumvakusa, wuyuvula :

—A Nlongi ! Bati minu e !

Bosi Yesu wumvutudila :

—Nyinga, ngeyo tubidi buawu.